نكت حلوه موووووووووووووت...........اضحك من قلبك.........

1_ مجانين حط لهم الدكتور أغنيه ... قامو يرقصوا الا واحد !! قال له
الدكتوور ليه مش بترقص قال اصل انا العروسة..

2_واحد بتاع فيديو جيم مات كتب علي قبره جيم أوفر

3_مره واحد مسطول وهو رايح الغرزه لبس جزمه فرده سوده وفرده بنى لما راح هناك حط رجل على رجل شافه مسطول تانى قال عليا النعمه اول مره اشوف واحد حاطط رجله على رجل اللى جانبه

4_واحد بلدياتنا اشتري كمبيوتر... شال الموس وحط جاموسة

5_واحد مسطول راجع البيت كل مايحاول يفتح الباب يتوح،ويتوح ابنه بص له من الشباك وقال له بابا أحدف لك المفتاح أبوه قاله المفتاح معايا ياواد احدف خرم الباب

6_مرة حرامى دخل على واحد مسطول البيت قالو هات فلوسك و الا هقتل مراتك قام الرجل قعد يضحححححححك.......الحرامى قتل مراته وقاله هات الفلوس قبل م اقتل ابنك الرجعل قعد يضحححححححك........الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر

7_واحد صعيدى لقى مصباح علاء الدين قعد يدعك فيه لحد ما جاب للعفريت تسلخات

8-مرة دكتور دخل عنبر فى سراية المجانين لقى واحد بيخبط دماغة فى
الحيطة سأل الممرضة ماله ده ؟ قالت أصله كان بيحب واحدة
ومتجوزهاش ..دخل العنبر الى بعده لقى واحد بيضرب نفسة بالشبشب قالها
وده ماله قالتله اصل ده الى اتجوزها

9_اتنين بيحششو عند الهرم فواحد بيقول التاني تعرف ان الفراعنة قعدو سنين يبنو في الاهرامات
التاني قالو يا راجل ليه كدة قالو كل ما يرصو حجرين يجي البوليس ياخدهم

10_اتنين مساطيل راكبين عربية خبطوا واحد..
فالمسطول اللي سايق بيقول للى جنبة:انزل شوفو..مات ولا لسة..؟؟
نزل المسطول التانى وقال:تعال يمين شوية..ايووه..شمال شوية..بس..اطلع قدام...اوكى..كده مات

11_واحد صعيدي بيدهن الحيطة ..
قالوله حط جرنال تحتيك ..
قالهم لأ أنا كده طايل كويس

12_واحد مسطول ماشي في البيت خبط في أمه .. قالتله ايه ما شفتنيش ..
قالها شفتك بس مش فاكر فين

13_عيلين صغيرين ماشيين
فى الشارع لقوا قطة فالاول قال للتاني انا هاخد القطة دي اربيها
التاني قالوه ماينفعش كدة تجيبلك امراض اغسلها الاول
تاني يوم جه الولد بيعيط
وبيقول لصاحبه القطة ماتت وانت السبب انت ال قولتلي اغسلها
صاحبه قاله ماتت وانت بتغسلها
قاله لاماتت ونا بعصرها

14_جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت .

15_مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب

16_مدير مدرسه عمل فرح وزع على المعازيم ارقام جلوس

17_صومالى ركبه عفريت العفريت مات من الجوع

18_مرة واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس ... يالهوي وعملتي إية .. عملت بامية وامري لله

يارب تكون عجبتكم

لا لا كده كتير والله سفليكى بيه انتا جامد اوى يامان
ربنا يوفقك عالطول يالغالى

تسلم يا ماااااااااااااااااااااااان على النكت الجامده ديه